Northern Pakistan Travel Diary – Exploring Soq Valley & Lower Kachura Lake (Part 10)

Chasing Dreams – Travel Diary Part 10

Part 10 of our Northern Pakistan Travel Diary takes us from Upper Kachura towards the beautiful and peaceful Soq Valley.

This journey reveals the hidden charm of Skardu’s landscapes, where flowing streams, apricot orchards, and towering mountains create a magical travel experience.

From enjoying the icy waters of Soq Nala to a relaxing boat ride on the stunning Lower Kachura Lake, every moment of this journey brings us closer to the breathtaking beauty of Gilgit-Baltistan.

Journey from Upper Kachura to Soq Valley

اپر کچورا پہنچ کر ہم نے اپنی گاڑی پارکنگ میں کھڑی کی۔ یہاں ایک مقامی ڈرائیور نے ہمیں سوق ویلی لے جانے کے لیے اپنی فیلڈر گاڑی کی پیشکش کی۔ کرایہ 2500 روپے طے ہوا اور ہم اس کے ساتھ روانہ ہو گئے۔ بتایا گیا کہ سوق ویلی یہاں سے تقریباً بیس سے پچیس منٹ کی مسافت پر ہے۔

راستہ پتھریلا تھا اور کئی جگہوں پر ٹوٹ پھوٹ کا شکار تھا۔ اسی وجہ سے بہتر یہی ہے کہ سیاح اپنی ذاتی گاڑی یہاں نہ لے جائیں بلکہ مقامی ڈرائیور کی گاڑی استعمال کریں۔

Scenic Drive Along Soq Nala

اس سفر کے دوران خوبصورت سوق نالہ ہمارے ساتھ ساتھ بہہ رہا تھا۔ سڑک کے دونوں طرف جگہ جگہ خوبانیوں کے درخت تھے جن پر زرد رنگ کی پکی ہوئی خوبانیاں لگی ہوئی تھیں۔

موسم نہایت معتدل اور خوشگوار تھا۔ قدرت کے ان حسین مناظر کو دیکھتے ہوئے ہمیں زیادہ دیر نہ لگی اور ہم جلد ہی سوق ویلی پہنچ گئے۔

Preparing at the Tree House

سوق ویلی پہنچنے پر مقامی ڈرائیور نے بڑی مہربانی سے ہمیں ایک ٹری ہاؤس تک پہنچا دیا تاکہ ہم خود کو فریش کر سکیں۔ کیونکہ ہم صبح باشو سے زیادہ سامان کے بغیر نکلے تھے اس لیے اپنے کپڑے اور ضروری سامان بھی ساتھ لے آئے تھے۔

جلد ہی میں اور دونوں بیٹیاں تیار ہو گئیں جبکہ طارق صاحب اور سفیان نے صرف منہ ہاتھ دھونے اور برش کرنے پر اکتفا کیا۔

Enjoying the Crystal Clear Waters of Soq Nala

ہمارے سامنے سوق نالہ پوری روانی کے ساتھ بہہ رہا تھا۔ اس کا نیلا شفاف پانی مجھے مسحور کرنے کے لیے کافی تھا۔ یہاں بیٹھنے کے لیے کئی خوبصورت پوائنٹس بنائے گئے تھے۔

طارق صاحب اور سفیان پہلے ہی پانی میں رکھی گئی کرسیوں پر بیٹھ چکے تھے۔ میں نے ان کے پاس جانے کے لیے جوتے ایک چھوٹے پل پر اتار دیے۔ جیسے ہی پانی میں قدم رکھا تو فوراً احساس ہوا کہ پانی برف کی طرح ٹھنڈا ہے اور میرے پاؤں سن ہونے لگے۔

کچھ دیر بعد میں بھی اس ٹھنڈے پانی کی عادی ہو گئی اور ہم سب نے اس قدرتی ماحول سے خوب لطف اٹھایا۔ یہاں چائے اور چپس کا آرڈر دیا گیا اور فطرت کی خاموشی میں بیٹھ کر ان لمحات کو محسوس کیا۔

A Quiet Valley All to Ourselves

اس وقت اس وادی میں ہمارے علاوہ کوئی اور سیاح موجود نہیں تھا۔ ہماری خوش قسمتی تھی کہ آج یہ خوبصورت وادی صرف ہمارے لیے تھی۔

درحقیقت لینڈ سلائیڈنگ اور راستوں کی بندش کی وجہ سے ابھی سکردو میں سیاحوں کی آمد کم تھی۔ ورنہ عید کے فوراً بعد یہاں سیاحوں کا بہت زیادہ رش ہوتا ہے۔

Returning to Lower Kachura Lake

کچھ دیر بعد ہم دوبارہ لوئر کچورا کی طرف روانہ ہوئے۔ وہی خوبصورت راستہ اور وہی دلکش مناظر ہمارا ساتھ دے رہے تھے۔

پارکنگ کے قریب اترنے کے بعد ہمیں جھیل تک پہنچنے کے لیے تقریباً سو دو سو سیڑھیاں نیچے اترنا پڑیں۔ اترائی آسان تھی لیکن ہمیں معلوم تھا کہ واپسی پر یہی راستہ چڑھائی بن جائے گا۔

Boat Ride on Lower Kachura Lake

نیچے نیلے پانیوں والی جھیل ہمارا انتظار کر رہی تھی۔ تقریباً ڈیڑھ کلومیٹر لمبی اس جھیل میں نارمل بوٹس اور سپیڈ بوٹس موجود تھیں۔

سفیان سپیڈ بوٹ لینا چاہتے تھے لیکن میں نے نارمل بوٹ کا انتخاب کیا اور سب نے اس فیصلے سے اتفاق کیا۔ اب ہم اور ہماری کشتی آہستہ آہستہ نیلے پانی پر تیر رہی تھی۔

اس پرسکون سفر کے دوران مجھے ایسا محسوس ہو رہا تھا جیسے میں خوابوں کے کسی جزیرے کی طرف جا رہی ہوں جہاں رنگ، خوشبو اور خوشیاں ہی خوشیاں ہوں۔

Climbing Back to the Parking Area

جب کشتی سے اترنے کا وقت آیا تو سفیان نے میرا ہاتھ پکڑ کر مجھے سہارا دیا اور میں خوابوں کی دنیا سے واپس حقیقت میں آ گئی۔

اب اصل امتحان سیڑھیاں چڑھنے کا تھا۔ میرے گھٹنوں کے لیے یہ ایک مشکل مرحلہ تھا۔ درمیان میں رک کر جوس پیا اور تازہ دم ہونے کی کوشش کی۔ آخرکار ہم پسینے میں شرابور پارکنگ ایریا تک پہنچنے میں کامیاب ہو گئے۔

Photography Stop at I Love Skardu Point

اس کے بعد ہم ائیرپورٹ روڈ کی طرف روانہ ہو گئے۔ کچھ فاصلے پر “I Love Skardu” کا مشہور سائن بورڈ نظر آیا تو ہم نے فوراً گاڑی روک لی۔

نیچے دریائے سندھ وسیع رقبے پر پھیلا ہوا تھا۔ اس خوبصورت مقام پر کچھ یادگار تصاویر بنانے کے بعد ہم نے اپنا سفر دوبارہ شروع کیا۔

Arrival at Katpana Cold Desert

اب ہم گمبہ سکردو سے ہوتے ہوئے کٹپانا ڈیزرٹ کی طرف جا رہے تھے۔ تقریباً آدھے گھنٹے بعد ہم سکردو کے مشہور کولڈ ڈیزرٹ میں پہنچ گئے۔

یہاں ایک عجیب سی خاموشی اور ویرانی تھی۔ نہ لوگ نظر آ رہے تھے اور نہ کوئی شور۔ خوابوں کے جزیروں سے حقیقت کے اس صحرا تک کا سفر میرے لیے ایک نئی کیفیت لے کر آیا۔

Conclusion.

ٹریول ڈائری کے اس حصے میں اپر کچورا سے سوق ویلی تک کا سفر ایک خوبصورت اور یادگار تجربہ ثابت ہوا۔ سوق نالہ کا نیلا برفیلا پانی، خوبانیوں کے درختوں سے سجی وادی اور پرسکون ماحول انسان کو فطرت کے قریب لے آتا ہے۔ اس کے بعد لوئر کچورا جھیل کی پرسکون کشتی رانی نے اس دن کو مزید دلکش بنا دیا۔

سکردو کے یہ مقامات واقعی قدرتی حسن کا خزانہ ہیں جہاں ہر لمحہ نئی یادیں تخلیق کرتا ہے۔ کبھی پہاڑوں کی خاموشی، کبھی جھیل کی ٹھنڈی ہوائیں اور کبھی سفر کی تھکن — یہ سب مل کر اس ٹریول ڈائری کو زندگی کے خوبصورت لمحوں میں تبدیل کر دیتے ہیں۔

FAQ.

Q.How far is Soq Valley from Upper Kachura?
A: سوق ویلی اپر کچورا سے تقریباً بیس سے پچیس منٹ کی مسافت پر واقع ہے۔ راستہ پتھریلا ہے اس لیے زیادہ تر سیاح مقامی ڈرائیور کی گاڑی استعمال کرتے ہیں۔

Q.Is it safe to take a personal car to Soq Valley?
A: بہتر یہی ہے کہ اپنی ذاتی گاڑی نہ لے جائیں کیونکہ سڑک کئی جگہوں سے خراب اور پتھریلی ہے۔ مقامی ڈرائیور اس راستے سے اچھی طرح واقف ہوتے ہیں۔

Q.What activities can tourists enjoy in Soq Valley?
A: سیاح یہاں سوق نالہ کے ٹھنڈے پانی میں بیٹھ کر لطف اندوز ہو سکتے ہیں، خوبصورت قدرتی مناظر دیکھ سکتے ہیں، فوٹوگرافی کر سکتے ہیں اور مقامی ماحول میں وقت گزار سکتے ہیں۔

Q.What makes Lower Kachura Lake special for visitors?
A: لوئر کچورا جھیل اپنے نیلے صاف پانی، خوبصورت پہاڑی مناظر اور کشتی رانی کی وجہ سے سیاحوں میں بہت مقبول ہے۔ یہاں نارمل بوٹ اور سپیڈ بوٹ دونوں دستیاب ہوتی ہیں۔

Q.What is Katpana Cold Desert famous for?
A: کٹپانا کولڈ ڈیزرٹ سکردو کا مشہور صحرا ہے جو دنیا کے بلند ترین سرد صحراؤں میں شمار ہوتا ہے۔ یہاں ریت کے ٹیلے، برف پوش پہاڑ اور منفرد قدرتی مناظر سیاحوں کو اپنی طرف متوجہ کرتے ہیں۔